ഒരു എം.പി.ആകാന്‍ എന്താ ഒരു വഴി?

കോണ്‍ഗ്രസ് എം.പി. ചന്ദന്‍ദാസ് മഹന്തിന്റെ പാര്‍ലമെന്ററി സമിതി നിര്‍ദ്ദേശിച്ചതിന്റെ ചുവടുപിടിച്ച് എം.പിമാരുടെ പ്രതിമാസ ശമ്പളം16,000 രൂപയില്‍നിന്ന് 60,000 രൂപയായി ഉയര്‍ത്തി വാര്‍ത്ത എല്ലാവരും വായിച്ചിരിക്കുമല്ലോ?എന്നെപ്പോലെയും.

ഇതോടെ എം.പി.മാര്‍ വാങ്ങിയിരുന്ന പ്രതിമാസം 68,000 രൂപ എത്രയായി ഉയര്‍ന്നു എന്നതിലേക്കുള്ള ഒരു കണക്കെടുപ്പിനു ശ്രമിക്കുകയാണ് ഈ എളിയ വോട്ടര്‍ !.

രണ്ട് ശമ്പളത്തിലെ ഈ മൂന്നിരട്ടിക്കൊപ്പം എം.പിമാരുടെ ഓഫീസ് ചെലവുകള്‍ക്കായി ഉണ്ടായിരുന്ന 20,000 രൂപ 40.000 രൂപയായി ഉയര്‍ത്തി.

മൂന്ന്, പ്രതിമാസ മണ്ഡല അലവന്‍സ് 20,000 രൂപ 45,000 രൂപയായി ഉയര്‍ത്തി.

നാല്,പ്രതിദിന സിറ്റിംഗ് അലവന്‍സ് 1000 രൂപ 2000 രൂപയാക്കി ഉയര്‍ത്തി.

അഞ്ച്, പാര്‍ലമെന്റ് സമ്മേളനത്തിനായി പോകാനും വരാനും വിമാനത്താവളത്തിലേക്കുള്ള യാത്രാചിലവ് കിലോമീറ്ററിന് 13 രൂപ 16 രൂപയായി ഉയര്‍ത്തി.

ആറ്,വാഹനം വാങ്ങുന്നതിനുള്ള പലിശയില്ലാത്ത വായ്പ്പ ഒരു ലക്ഷത്തില്‍ നിന്ന് നാല് ലക്ഷമാക്കി ഉയര്‍ത്തി.

ഏഴ്,എം.പിക്കും ഭാര്യയ്ക്കും ദല്‍ഹിയിലേക്ക് വര്‍ഷംതോറും 34 സൌജന്യ വിമാനടിക്കറ്റ്.

എട്ട്,കൂടാതെ ഭാര്യക്ക് ദല്‍ഹിയിലേക്ക് വര്‍ഷംതോറും എട്ട് സൌജന്യ വിമാന ടിക്കറ്റ്.

ഒന്‍പത്,എം.പിക്കും ഭാര്യക്കും സൌജന്യമായി ഉയര്‍ന്ന നിരക്കില്‍ ട്രെയിന്‍ യാത്ര.

പത്ത്,പ്രതിമാസ പെന്‍ഷന്‍ 8,000 രൂപ 20,000 രൂപയായി ഉയര്‍ത്തി.

ചുരുക്കത്തില്‍ പ്രതിമാസം രണ്ടരലക്ഷം രൂപയായി എന്നു സാരം.

ഇതൊന്നും പോരാതെ വര്‍ദ്ധിപ്പിച്ച ശമ്പളം 2009 മെയ് മുതലാണ് പ്രാഭല്യത്തില്‍ വന്നത് അതിന്നാല്‍ ഇതുവരെയുള്ള കുടിശികയും കൊടുക്കും

അപ്പൊ കൊല്ലത്തില്‍ 30 ലക്ഷം രൂപ!

അഞ്ചുവര്‍ഷത്തിലെത്തുമ്പോള്‍ എം.പി.മാര്‍ കോടിശ്വരനായിട്ടുണ്ടാകും!

ഈ കിട്ടിയതൊന്നും പോരെന്നും പറഞ്ഞ് കോലാഹലം കൂട്ടി പിന്നേയും ചില എം.പി.മാര്‍ ! കാലം കലികാലമല്ലോ? ഇനിയും കാണാം പേകൂത്തുകള്‍ ! നിങ്ങള്‍ കേള്‍ക്കരുത്,കാണരുത്,മിണ്ടരുത്!!!.