കഴിഞ്ഞ 5 വര്‍ഷങ്ങള്‍ ഇന്ത്യ നേരിട്ട ഭീകരാക്രമണങ്ങളിലേക്ക് ഒരു എത്തിനോട്ടം

മുംബൈ: മാര്‍ച്ച് 13-2003: ട്രെയിനിലുണ്ടായ സ്ഫോടനത്തില്‍ 11 പേര്‍ കൊല്ലപ്പെട്ടു.

മുംബൈ: ഓഗസ്റ്റ് 25-2003: മുംബൈയില്‍ ഉണ്ടായ ഇരട്ട കാര്‍ബോംബ് സ്ഫോടനത്തില്‍ 60 മരണം.

അസ്സം: ഓഗസ്റ്റ് 15-2004 : ബോംബ് സ്ഫോടനത്തില്‍ 16 പേര്‍കൊല്ലപ്പെട്ടു. മരിച്ചവരില്‍ അധികവും സ്കൂള്‍ കുട്ടികളായിരുന്നു.

ഡല്‍ഹി: ഒക്ടോബര്‍ 29-2005: മാര്‍ക്കറ്റുകളില്‍ ഉണ്ടായ ബോംബ് സ്ഫോടനങ്ങളില്‍ 66 പേര്‍ കൊല്ലപ്പെട്ടു.

വാരണാസി: മാര്‍ച്ച് 7-2006: തീര്‍ത്ഥാടന കേന്ദ്രത്തില്‍ ഉണ്ടായ സ്ഫോടനത്തില്‍ 15 പേര്‍ കൊല്ലപ്പെട്ടു.

മുംബൈ: ജൂലൈ 11-2006: മുംബൈയില്‍ ട്രെയിനുകളിലും റയില്‍‌വെ സ്റ്റേഷനുകളിലും നടന്ന ഏഴ് സ്ഫോടനങ്ങളില്‍ 180 പേര്‍ കൊല്ലപ്പെട്ടു.

മുംബൈ, മലേഗാവ്: സെപ്തംബര്‍ 8-2006: ടൌണില്‍ നടന്ന പരമ്പര സ്ഫോടനത്തില്‍ 32 പേര്‍കൊല്ലപ്പെട്ടു.

ട്രെയിന്‍ സ്ഫോടനം: ഫെബ്രുവരി 19-2007: ഇന്ത്യയില്‍ നിന്ന് പാകിസ്ഥാനിലേക്ക് പോവുകയായിരുന്ന ട്രെയിനില്‍ ഉണ്ടായ ഇരട്ട സ്ഫോടനത്തില്‍ 66 പേര്‍ മരിച്ചു, കൂടുതലും പാകിസ്ഥാനികള്‍.

ഹൈദരാബാദ്: മെയ് 18‌-2007: പ്രശ്സ്തമായ മെക്ക പള്ളിയില്‍ ഉണ്ടായ സ്ഫോടനത്തില്‍ 11 വിശ്വാസികള്‍ മരിച്ചു.

ഹൈദരാബാദ്: ഓഗസ്റ്റ് 25-2007: ഒരു അമ്യൂസ്‌മെന്‍റ് പാര്‍ക്കില്‍ ഉണ്ടായ മൂന്ന് സ്ഫോടനങ്ങളില്‍ കുറഞ്ഞത് 40 പേര്‍ മരിച്ചു.

ജയ്പൂര്‍: മെയ് 13-2008: പിങ്ക് സിറ്റിയില്‍ ഉണ്ടായ ഏഴ് ബോംബ് സ്ഫോടനങ്ങളില്‍ 63 പേര്‍ കൊല്ലപ്പെട്ടു.

ബാംഗ്ലൂര്‍: ജൂലൈ 25-2008: ഐടി നഗരത്തിലുണ്ടായ എട്ട് ബോംബ് സ്ഫോടനങ്ങളില്‍ ഒരു മരണം.

അഹമ്മദാബാദ്: ജൂലൈ 26-2008: ഗുജറാത്തിലെ അഹമ്മാദാബാദില്‍ ഉണ്ടായ 16 ബോംബ് സ്ഫോടനങ്ങളില്‍ 45 മരണം. 161 പേര്‍ക്കാണ് പരുക്ക് പറ്റിയത്.

ന്യൂഡല്‍ഹി: സെപ്തംബര്‍ 13-2008: ഡല്‍ഹിയിലെ പ്രധാന കേന്ദ്രങ്ങളില്‍ ഉണ്ടായ അഞ്ച് സ്ഫോടനങ്ങളില്‍ 18 പേര്‍ മരിച്ചു.

അസ്സം: ഒക്ടോബര്‍ 30-2008: അസ്സമില്‍ നടന്ന 11 സ്ഫോടനങ്ങളില്‍ 68 പേര്‍ മരിച്ചു. 335 പേര്‍ക്ക് പരുക്ക് പറ്റി.

മുംബൈ: നവംബര്‍ 26-29-2008: ഭീകരര്‍ നടത്തിയ ആക്രമണത്തിലുഇം ബന്ദിനാടകത്തിലും 195 പേര്‍ മരിച്ചു.213 പേര്‍ക്ക് പരുക്ക് പറ്റി.